Xəbər lenti
Axtar
Ən çox oxunan
  • Öz nəfsimizin şərindən amanda olmadığımızı unutmayaq
  • Şəhid adına verilən küçə bərbad haldadır
  • Mobil operatorlarla bağlı yenilik
  • Büdcədə kəskin artım: Hökumət iki milyardı hardan yığacaq?
  • Koronavirusu yarım saatdan az müddətdə təyin etmək mümkün olacaq
  • Paşinyandan Zəngəzur dəhlizi açıqlaması: Hazırıq!
  • Bu şəxslərə soğan yemək olmaz
  • İstəyənin əlini qaytarmayın
  • Ölümdən qaçmaq olsaydı…
  • Yoxsulları öz qonaqlığına buraxmayan varlının aqibəti
  • Ustad jurnalist - Nəriman Bəxtiyarovun əziz xatirəsinə
  • Hərbçilər, qazilər, şəhid ailələri daim dövlətin diqqət və qayğısı ilə əhatə olunurlar.
  • Dünyanın yeni düzəni: pisdir, ancaq çarə yoxdur
  • Yerli məmurlardan əli üzülən Gəncə sakini Ukrayna prezidentindən imdad diləyir - VİDEO
  • Adı korrupsiyada hallanan məmur başqa bölgəyə "transver" edilib ?... - VİDEO
  • Canı və malı düşmən zərbəsinə tuş gəlib, halal haqqını isə məmurlar mənimsəyir - VİDEO
  • Deputatın qohumları vətəndaşı ölümcül döyüblər
  • TEMPERATUR ENİR: külək, yağış, dolu olacaq - BU GÜNÜN HAVASI
  • İrəvan erməniləri Qarabağ ermənilərini DAŞ-QALAĞ EDİR: Rədd olun... - VİDEO
  • Ərdoğan yanğınsöndürənlərimizin işindən danışdı
  • FHN-in yanğınsöndürmə qüvvələri Türkiyədə yanğınlarla mübarizəni davam etdirir - VİDEO
  • FHN-in növbəti heyəti Türkiyəyə gedir - Video
  • Laçın Şəhidi Nəcəfov Etibar
  • Qanunsuzluqlara etiraz əlaməti olaraq Əkrəm Bəydəmirli Azərbaycan Televiziyasını məhkəməyə verib
  • “Zamanın axarında”n baxanda dünya aydın görünür...
  • 14 Eyl 2021, 23:31   
        97

    Koronavirus ürəyin əzələ qatının zədələnməsinə səbəb olur - Kardioloq

    Qarşıdan payız gəlir. Havalar tədricən soyuyacaq. Havalar soyuduqca ürək tutmaları, ani ürək dayanması, infarkt hallarının sayı artır.

    Orqanizm soyuduğu zaman ürək daha da aktivləşir, daha sürətli döyünərək istilik itkisinin qarşısını almaq üçün qanı sürətlə orqanlara ötürür. Lakin xəstə və çatışmazlığı olan ürək kifayət qədər aktivlik nümayiş etdirə bilmədiyi üçün problemlər meydana çıxır.

    Soyuq və qarlı havalarda insan orqanizmində damarlarda spazmalar, yəni sıxılmalar baş verir ki, bu da öz növbəsində ürəyə düşən yükü artırır. Beləliklə də ürək əzələlərinin oksigenə tələbatı artır. Sıxılmaya uğrayan damarlar ürək əzələsini oksigenlə təmin edə bilmədiyindən xüsusən xəstə ürəkdə problemlər meydana çıxır.
    Beləliklə soyuq havalarda miokard infarktı və digər ürək-damar xəstəliklərinin sayı artır. Bununla yanaşı, havaların soyuması infeksion xəstəliklərin artımına da səbəb olur ki, bu da öz növbəsində ürək-damar xəstəliklərinə mənfi təsir göstərir. Qış aylarında yüksəkkalorili qidaların qəbulu hərəkət aktivliyinin azalması da ürək sağlamlığına mənfi təsir göstərir.

    XEBERTV.AZ medicina.az-a istinadən bildirir ki, bu barədə azərtaca-a kardioloq Səadət Qocayeva məlumat verib.

    Kardioloq bildirib ki, ürək xəstələri mövsümü qaydalara əməl etməlidirlər. Yəni qışda infarkt riskini artıran soyuq hava üçün tədbirlər görməlidirlər: "Ayaq damarlarında problemi olan xəstələrin ayaqlarını hissetmə çətinliyi yaranır. Üstəlik xəstə diabetdən əziyyət çəkirsə, hiss itkisi daha çox olur. Bu kimi problemi olan insanlar qışda çölə çıxarkən mütləq yun corab geyinməlidirlər. Eyni zamanda, gecə yatarkən yun corab geyinərək ayaqlarını isitmələri sağlamlıq baxımından faydalıdır. Ürək xəstələri qışda küçəyə çıxarkən şal, yaylıq, papaq taxmalı və ciblərinə həkim tərəfindən təyin edilən dilaltı həb qoymalıdırlar. Çölə çıxarkən ağız, burun şalla bağlanmalıdır. Ürək xəstələri havanı udarkən mümkün qədər havanı isidərək daxilə çəkməlidirlər. Bu, həm damar spazmasının, həm də yuxarı tənəffüs yolu infeksiyalarının qarşısını alacaq. Ürək xəstələrinə üzü küləyə qarşı getmək olmaz. Yəni çalışmaq lazımdır ki, külək birbaşa sinəyə təmas etməsin. Onlar tox qarına soyuq havada piyada gəzməməlidirlər.

    Ürək xəstələrinin qış qidalanmaları xüsusi təyin edilməlidir. Bədənin soyuğa və infeksiyaya qarşı dözümlü olması üçün xəstənin kifayət qədər kalori qəbul etməsi şərtdir. Yeməklər çox ağır, tərkibində heyvan yağı və qırmızı ət olmamalıdır. Bunların əvəzinə meyvə-tərəvəz xüsusən çiy halda yeyilməlidir. İllərdir ki, ürək xəstələrinə yumurta qadağan edilib.

    Lakin son zamanlar aparılan araşdırmalar sübut edir ki, omega-3 - omega-6 tarazlığı pozulduğu üçün xəstələrin yumurta yeməsinə heç bir məhdudiyyət yoxdur".

    Mütəxəssisin sözlərinə görə, yaşlı insanların bu mövsümdə qrip əleyhinə peyvənd olunmasının ürək sağlamlığının qorunmasına müsbət təsiri var.

    "Son iki ildə çox danışılan, həyat tərzimizə təsir edən yeni növ koronavirus (COVID-19) infeksiyası ürək-damar sistemi xəstəliyi olan insanlarda daha riskli sayılır. Xüsusilə təzyiq xəstələri, ürək çatışmazlığı olanlar, infarkt, eləcə də ürək əməliyyatı keçirənlər yüksək risk qruplu xəstələr sayılır. Yəni həmin xəstələr koronavirusdan daha çox qorunmalıdırlar. Həmin virus tənəffüs orqanlarını zədələyir ki, bu da orqanizmdə oksigen çatışmazlığına səbəb olur. Belə halda orqan və toxumalara oksigen çatdırmaq üçün ürək daha sürətli işləməyə başlayır. Bu da miokard infarktının yaranmasına səbəb ola bilər. Digər tərəfdən COVID-19 virusu ürəyin əzələ qatının zədələnməsinə səbəb olur ki, bu da miokardit xəstəliyini yaradır. Bütün bunları nəzərə alaraq ürək xəstələri, ilk növbədə, koronavirus əleyhinə peyvənd olunmalıdırlar".
    loading...