Xəbər lenti
Axtar
Ən çox oxunan
  • Şuşa postuna qumbara atana 1000 dollar “mükafat” verilir
  • Qubadlı fatehi olan polkovnik-leytenant Vidadi Xəlilovun ildönümü ilə əlaqədar şəhərin Şəhidlər xiyabanında, məzarı önündə anım mərasimi təşkil olunub
  • Qarabağ Qazisi ÇARƏSİZ DURUMDA...
  • Sabah intensiv yağış yağacaq
  • Ermənistanda Azərbaycan və Türkiyə radiosu yayımlanır
  • Bir dövlət müəssisəsində 9 şübhəli tender müqaviləsi - FOTO
  • Qarabag əlillərinə qarşı böyük haqsızlıq.
  • Nəşi tapılan hərbçimizin şəxsiyyəti bəlli oldu - Foto
  • SON DƏQİQƏ: Operativ Qərargah məlumat yaydı - YÜZLƏRLƏ YOLUXMA, 14 ÖLÜ VAR
  • İcra Hakimiyyətlərində baş verən tender "maxenasiya"ları
  • ŞOK! Ailəsi ilə təhdid olunan şəxs sifarişin kim tərəfindən olduğunu bəyan etdi - VİDEO
  • Göyçayda 27 sentyabr – Anım Günü ilə bağlı ümumrayon tədbiri keçirildi
  • Öz nəfsimizin şərindən amanda olmadığımızı unutmayaq
  • Şəhid adına verilən küçə bərbad haldadır
  • Mobil operatorlarla bağlı yenilik
  • Büdcədə kəskin artım: Hökumət iki milyardı hardan yığacaq?
  • Koronavirusu yarım saatdan az müddətdə təyin etmək mümkün olacaq
  • Paşinyandan Zəngəzur dəhlizi açıqlaması: Hazırıq!
  • Bu şəxslərə soğan yemək olmaz
  • İstəyənin əlini qaytarmayın
  • Ölümdən qaçmaq olsaydı…
  • Yoxsulları öz qonaqlığına buraxmayan varlının aqibəti
  • Ustad jurnalist - Nəriman Bəxtiyarovun əziz xatirəsinə
  • Hərbçilər, qazilər, şəhid ailələri daim dövlətin diqqət və qayğısı ilə əhatə olunurlar.
  • Dünyanın yeni düzəni: pisdir, ancaq çarə yoxdur
  • 28 Ağu 2019, 20:30   
        453


    BAKI-XEBERTV.AZ
    Arvadı ilə tutmuşdu, bağışladı, amma 4 il sonra öldürdü…


    Bıçaqlama
    Şabran rayon sakini, 39 yaşlı Vüsal Hacıyev həmyerlisi Ruslanı qətlə yetirib.
    Məhkəmədə bəlli olub ki, Vüsal əvvəllər həyat yoldaşı ilə Ruslanın münasibətindən xəbər tutub, hətta onları bir yerdə yaxalayıb. Maraqlıdır ki, həmin vaxt namusuna göz dikdiyi üçün Ruslana əl vurmayıb, onu polisə təhvil verib. Ruslan isə arvadı ilə bir yerdə tutduğu halda onları bağışlayan Vüsalı rayonda biabır edib, arxasınca danışıb, sonuncu da onu öldürməklə qisas alıb.

    Amma o da bəlli olub ki, Vüsalın özü də düzgün həyat sürməyib, 3 dəfə evlənib, hətta ikinci arvadının barmaqlarını sındırıb. Bir nəfərin ölümünə, digərinin həbsxanaya düşməsinə səbəb olan qadın isə xəstəlikdən ölüb.

    Virtualaz.org xəbər verir ki, Bakı Ağır Cinayətlər Məhkəməsində qəsdən adam öldürməkdə ittiham olunan Vüsal Hacıyevin cinayət işi üzrə məhkəmə istintaqı yekunlaşıb. Hadisə ötən il avqustun 12-də Vüsal Hacıyevin mənzilində baş verib. Həyat yoldaşını yaşadığı evin həyətində həmyerlisi Ruslanla bir yerdə yaxalayan Vüsal sonradan onu bağışlasa da şəhər camaatı içərisində haqqında nalayiq sözlər işlətməsini eşidib. Bu səbəbdən də ondan qisas almağı planlaşdırıb. Bunun üçün münasib vaxt və şərait yaranmasını gözləyib.

    Tanışı İsmayıl Səfərəliyevlə birgə spirtli içki qəbul edən Vüsal Ruslandan qisas almaq üçün mebel düzəltdirmək adıyla onu evə çağırtdırıb. Söhbət əsnasında Vüsal Ruslana o vaxt güzəştə getdiyini xatırladıb. Ruslansa cavabında ona mərhum arvadının yüngül həyat tərzi sürdüyünü, başqa kişilərlə də yaxın münasibət qurduğunu bildirib. Nəticədə onların aralarında mübahisə yaranıb. Masanın üstündəki “Aroma” şüşəsini Ruslanın başına çırpan Vüsal onu yardımçı tikiliyə sürüyüb aparıb. Orada bıçaqla bədəninə çoxsaylı zərbələr endirib. R.Hacıyev aldığı xəsarətlərdən hadisə yerində keçinib.

    Təqsirləndirilən Vüsal Hacıyev ona elan olunmuş ittihamla özünü təqsirli bilməyib. İfadəsində həyat yoldaşı və uşaqları ilə bir yerdə yaşadığını, əvvəllər üç dəfə ailə qurduğunu, lakin müxtəlif səbəblərdən nikahları pozulduğunu deyib: “2014-cü ilin yayında Ruslanı həyat yoldaşımı bir yerdə tutmuşdum. Həmin vaxt aparıb polisə təhvil verdim. Arvadımı da evdən qovdum. Sonradan uşaqlara görə evə gətirdim. Bir il sonra arvadım talassemiya xəstəsi olduğundan vəfat etdi”.

    Həyat yoldaşı vəfat etdikdən sonra Vüsal ikinci dəfə ailə qurub. Amma özünün dediyinə görə, arvadı birinci nikahdan olan uşaqları ilə pis davrandığına görə onun barmaqlarını sındırıb. Bu səbəbdən də Şabran rayon məhkəməsinin qərarına əsasən barəsində cərimə cəzası təyin edilib.

    V.Hacıyevin ifadəsinə görə, hadisə baş verən gün tanışı İsmayılla birgə yemək yeyib spirtli içki içiblər. Süfrə arxasında köhnə söhbətlər açılıb, o da Ruslanda günah görmədiyini, artıq onu bağışladığını deyib: “İsmayılla Ruslan həyətdə mübahisə edirdilər. İsmayılın təkidi ilə Ruslanı evə buraxdım. Elə səhvim də onda olub. Ismayıl Ruslana araq süzdü. Birdən yadıma həmin hadisə düşdü. Əsəbləşib butulkayla Ruslanın başına vurdum və otaqdan çıxdım. Geri qayıdanda gördüm ki, bunlar yoxdular. Mətbəxin işığı yanırdı, ora yaxınlaşanda Ruslanın öldüyünü gördüm”.

    Təqsirləndirilən şəxs ifadəsində Ruslanı öldürmədiyini, onu İsmayıl Səfərəliyevin qətlə yetirdiyini deyib: “ O hadisədən sonra İsmayıl Rusiyaya qaçıb getdi. Mən istintaq zamanı da dedim. Amma İsmayılı tapmaq istəmədilər. Əgər Ruslanı öldürmək fikrim olsaydı onu elə o vaxt həyətimdə tutanda öldürərdim. Amma bunu eləmədim”.

    Məhkəmə V.Hacıyevin ifadəsini inandırıcı hesab etməyib. Məhkəmə hesab edib ki, iş üzrə zərərçəkmiş, şahid və ekspertiza rəylərinə əsasən qətlin V.Hacıyev törədildiyi tam təsdiqini tapıb.

    Zərərçəkmiş Kafiyə Seyidova ifadəsində mərhum oğlu Ruslanın təbiətcə sakit olsa da spirtli içkilərə meyilli olduğunu,bu üzdən də həyat yoldaşı ilə boşandığını göstərib: “Oğlum mebel ustası idi. 2014-cü ildə Vüsalın arvadı ilə münasibətdə olduğuna görə Vüsal onu polisə vermişdi. Arvadı da o vaxt Ruslanı öz razılığı ilə evə çağırdığını dediyinə görə sərbəst buraxıldı. Hadisə baş verən gün Ruslan mənə dedi ki, Şabranda bir nəfərlə görüşəcək, inşaat materiallarının siyahısını verəcək. Həmin gecə Ruslan evə gəlmədi. Fikirləşdim ki, yəqin içib, hardasa yıxılıb qalıb, ya da nəsə eləyib polisə aparıblar. Ruslanı axtarmaq üçün gecəyarı evdən çıxdım, nə qədər axtarsam da tapa bilmədim. Gecə saat 4-də qayınlarım gəlib dedilər ki, Ruslanı Vüsal öldürüb”.

    Məhkəmənin hökmü ilə Vüsal Hacıyev 12 il müddətinə azadlıqdan məhrum edilib.
    loading...