"Qəbələ" məğlub oldu, "Qarabağ" çempionluğa doğru
Futbol üzrə Azərbaycan Premyer Liqasının XXXIV turu çərçivəsində daha bir oyun keçirilib.
XEBERTV.AZ Axar.az-a istinadən xəbər verir ki, “Qəbələ” klubu “Turan Tovuz”u qəbul edib.
Qarşılıqlı hücumlar şəraitində keçən matç Tovuz təmsilçisinin 2:1 hesablı qələbəsi ilə yekunlaşıb.
“Qəbələ”nin heyətində Rafael Utziq, rəqib komandadan isə Sadiq Quliyev və Xulu Siyanda fərqləniblər.
Hesabında 48 xal olan “Qəbələ” turnir cədvəlində dördüncü, Tovuz təmsilçisi isə 38 xalla altıncı pillədə qərarlaşıb.
Hazırda “Səbail” - “Qarabağ” oyunu keçirilir. Əgər bu qarşılaşmada qonaqlar qalib gəlsə, növbəti dəfə Azərbaycan çempionu olacaqlar.
Qeyd edək ki, turun açılış oyununda “Zirə” ilə “Kəpəz” 1:1 hesablı heç-heçə edib. “Neftçi” - “Şamaxı” qarşılaşması ayın 14-də, “Sumqayıt” - “Sabah” matçı isə mayın 17-də keçiriləcək.
