• 23:52 – Tramp seçilsə, Avropanı İFLİC EDƏCƏK: "Qoca qitə" şoklara hazır olmalıdır 
  • 23:42 – Fransa universitetində Bakının siyasətindən danışıldı 
  • 19:48 – Ermənilər xəritə yaydı: Azərbaycan ordusu bu istiqamətlərdə irəliləyəcək - FOTO/VİDEO 
  • 19:43 – Rusiyadakı terror aktının bənzərini Türkiyədə törətmək istəyənlər var - Ərdoğan 

Donald Tramp 2024-cü il seçkiləri üçün kampaniyaya başlayır

ABŞ-ın keçmiş prezidenti Donald Tramp 2024-cü ildə ölkədə keçiriləcək prezident seçkilərinə qatılmaq niyyətindədir.

AZƏRTAC Anadolu agentliyinə istinadla xəbər verir ki, o, bu barədə özü bildirib. Növbəti seçkilərə qatılmaq üçün daha qərarlı olduğunu deyən Tramp hazırkı prezident Co Baydenin siyasətini tənqid edib. Onun sərhəd məsələləri, iqtisadi və sosial siyasətlə bağlı gördüyü işləri bəyənmədiyini söyləyən ABŞ-nin sabiq dövlət başçısı, özünün prezidentlik dövründə ölkədə həyata keçirilən layihələrdən misallar çəkib.

2024-cü il seçkilərinin ABŞ-ni xilas etmək üçün yeganə şans olduğunu vurğulayan Tramp, ölkəsində Çinə müqavimət göstərə biləcək liderə ehtiyac olduğu fikri müdafiə edib.

Təbliğat kampaniyasına başlayacağını deyən Donald Trampın Respublikaçılar arasında rəqibi olacaq keçmiş vitse-prezident Mayk Pens, Florida qubernatoru Ron De Santis və Cənubi Karolina ştatının keçmiş qubernatoru Nikki Heylinin tezliklə namizədliklərini açıqlayacaqları gözlənilir.
Reytinq: 
Son xəbərlər
bütün xəbərlər →