Xəbər lenti
Axtar
Ən çox oxunan
  • Zəngilanın baş planı açıqlandı
  • Azərbaycan-Türk Xalqları Qardaşlığı İctimai Birliyinin rəhbərliyi Balakən rayonunda işgüzar səfərdə olub
  • Bu gün milli mətbuatımızın banisi Həsən bəy Zərdabinin doğum günüdür
  • NASA astronavtı kosmosda torpaqsız bitki yetişdirdi
  • Mehriban Əliyevadan Silahlı Qüvvələr Günü ilə bağlı PAYLAŞIM
  • Prezident Silahlı Qüvvələr Günü münasibətilə paylaşım etdi - FOTO
  • Türk dünyası ilə bağlı dərsliklər qəbul edildi - FOTO
  • Xaricdə təhsil almaq istəyənlərin nəzərinə...
  • İlham Əliyev: "Özbək və Azərbaycan xalqları bir yumruq kimi birlikdə olacağıq"
  • Şok iddia: ölülərlə danışmaq mümkün olacaq
  • Xaricdən idarə olunan feyk hesablarla şantaj halları var - XƏBƏRDARLIQ
  • İlkin Süleymanovun məhkəməsi: Nərmin Quliyevanı sonuncu dəfə görən şahid DANIŞDI
  • Rövşən Əkbərovun səhhətində PROBLEM YARANDI
  • ŞƏHİD İLQAR VERDİYEVİN "ANDINA SADİQ OĞUL"FİLMİNİN TƏQDİMAT MƏRASİMİ KEÇİRİLİB
  • "Əziz Şuşa, Sən Azadsan!".
  • Fitrə zəkatı nə qədər verilməlidir? - Video
  • İlham Əliyev Emmanuel Makronu təbrik etdi
  • “WhatsApp”a yeni funksiya əlavə edilib - Gizli fotolara giriş...
  • Soyqırımdan danışanlar Xocalıya baxsınlar – Hulusi Kılıç
  • "Azərbaycan-Türk Xalqları Qardaşlığı" İctimai Birliyinin fəaliyyətindən bəhs edən jurnalın təqdimatı keçirildi
  • Dünya azərbaycanlılarının Şuşa Zirvəsi: Diasporumuzun tarixi inkişaf yolu
  • Qədr gecələri nə vaxtdır? - QMİ
  • Deputat: "Operativ Qərargahdan xoş xəbərlər veriləcək" - VİDEO
  • Azərbaycanla 10 mühüm saziş imzalandı - Japarov
  • Binəqədi Rayon İcra Hakimiyyətinin təşkilatçılığı ilə rayonun ictimaiyyət nümayəndələri Fəxri Xiyabanda görkəmli oftalmoloq-alim, əməkdar elm xadimi, tibb elmləri doktoru, akademik Zərifə xanım Əliyevanın xatirəsini ehtiramla yad etdilər.
  • 13 Haz 2020, 08:27   
        361



    BAKI-XEBERTV.AZ
    "Ağdamlıların yox, hamının müharibəsi - gecənin yaratdığı ovqat..."


    Tovuz istiqamətində nə baş verdiyi tam təfərrüatı ilə mən bu sətirləri yazmağa başlayarkən (23.30) məlum deyildi. Əlbəttə, dövlət rəhbərliyi hər şeyi bilir, lazım olan digər şəxslərin də müfəssəl informasiyası var. Burada qeyri-adi heç nə yoxdur.

    Müharibənin qanunları belədir. Amma biz ən vacib olanı da bilirik: dövlət və ordu rəhbərliyi torpaqlarımızın müdafiəsi üçün nə lazımdırsa, edir, buna şübhə yoxdur!

    Sərhəddən gələn döyüş xəbərləri “su kimi içilir” demək olmur, çünki hər bir cümlə arxasınca narahatlıq gətirir, sanki indicə axacaq “qan iyi” var hər bir xəbərdə. Adamın boğazında qalır cümlələr, hər mənada bununla barışmaq, bunları boğazdan aşağı “udmaq” çətindir. Hamının zatən karantinə görə canı boğazındadır, indi bir tərəfdən də düşmənin xain əli... Hirsini də boğmaq çətindir, nə gizlədim, qəhərini də...

    Cəbhədən gələn xəbəri sayta yerləşdirən kimi anındaca oxuyanların sayı artır - “hamı narahatdır” demək doğru olmaz, ölkə narahatdır. Xüsusilə cəbhə zonasında övladları olan valideynlərin həyacanını anlamaq çətin deyil. Anaların yuxusu qaçır, ataların çəkdiyi siqaretin sayı artır, bacılar hamıdan gizlin ağlayır, qardaşlar dik durmağa çalışır... Yalanı yoxdur: balası ölən anaya “möhkəm dayan” deməyə gərək ürəyin ola...

    Bitməyən bir müharibə illərdir ki, atəşkəs adı altında gecəyarı neçə-neçə evlərin beləcə “qapısını döyüb”, hər şeyi dağıdıb, qadınları ərsiz, uşaqları atasız qoyub. Bu, bu gün deyil, az qala hər ay, hər gün belədir.

    Vüqar, Elşad, Xəyyam... Bugünkü şəhidlərimizdir... Bu adda dostum, bu adda redaktor yoldaşım, bu adda qohumum var. Eləcə də hamımızın bu adda bir tanıdığı, qardaşı, dostu var... Gedən təkcə o eldən, o nəsillərdən deyil, hamımızdandır, hamının canındandır. Bunu belə bilmək lazımdır, belə hiss etmək lazımdır, belə yaşamaq lazımdır... Saytların birində gördüm: gənclər dəstək üçün cəhbə bölgəsinə yaxın yerlərə toplaşıblar. Könüllü. Şəkil, selfi çəkdirməyə yox, döyüşmək lazımsa, döyüşməyə. Günün ağır informasiya yükünü bir az yüngülləşdirən xəbərdir...

    Amma bunun bir sonu da olmalı. Bunun sonu nə olursa, necə olursa, elə olmalıdır. Hər şey ortadadır: düşmən təkcə sərhədin o tərəfində deyil, 28 ildir, silahlı şeytan kimi içimizdədirlər, torpaqlarımızda oturublar. Bu, Tovuzdakı Ağdam kəndi məsələsi, bir oba müharibəsi deyil. Bu, Ağdama, bu, Şuşaya, bu, Xocalıya, bu, Kəlbəcərə, Laçına görə müharibədir.

    Ermənilər bizə bir zonaya, bir bölgəyə, ağ damı olan kəndlərimizə görə düşmən kəsilməyib. Ermənilər millətimizə, dövlətimizə düşməndirlər. Bunu oturduğun, durduğun yerdə belə bilmək lazımdır. Nə sülh danışığı, nə ATƏT, nə Mkırtıç?

    Sözləri bu çətin gecədə cilalamaq da çətindir. Hamı belədir, bunu bilməyə nə var ki...

    Allah şəhidlərimizə rəhmət eləsin.



    Nazim SABİROĞLU,
    Musavat.com
    loading...