Xəbər lenti
Axtar

Generaldan ŞOK AÇIQLAMA: “Onlar III Dünya Müharibəsini istəyirlər”

02 Şub 2016, 22:40   
    220
Generaldan ŞOK AÇIQLAMA: “Onlar III Dünya Müharibəsini istəyirlər”

“Söhbət ABŞ-ın Ukraynaya hərbi və siyasi yardımından getmir. ABŞ bizi qorumağa məcburdur. Ukrayna nüvə silahından imtina edəndə ABŞ bizim təhlükəsizliyimizə zəmanət verib”.

XEBERTV.AZ Publika.az-a istinadən xəbər verir ki, bu sözləri “Obozrevatel” nəşrinə açıqlamasında Ukrayna ordusunun ehtiyatda olan general-leytenantı Vilen Martirosyan deyib.

Martirosyan əlavə edib ki, hazırda ABŞ dünyada ən böyük hərbi potensiala malikdir: “İkinci yeri Rusiya tutur. Müvafiq olaraq, ABŞ yeganə ölkədir ki, Putini geri çəkilməyə və başlanğıc vəziyyətə qayıtmağa məcbur edə bilər. Bu halda Ukrayna hakimiyyətinin əsas vəzifəsi Ukraynada sülhün qarantı olduğu barədə ABŞ rəhbərliyini inandırmaqdır”.

Ukraynalı generalın Donbas hövzəsi üçün sülh planı isə bu şəkildədir: “Rusiya qoşunları müvəqqəti işğal edilmiş ərazilərdən çıxarılır və ora Ukrayna qoşunları girir. Sərhədçilər ukraynalılar olmalıdır. Sonra isə ABŞ Donbas hövzəsinə öz sülhməramlılarını daxil edir. Beləliklə, Rusiya Ukraynaya təsir imkanlarına malik olmayacaq".

Martirosyan vurğulayıb ki, bu gün dünyada III Dünya Müharibəsinin başlanması, həmçinin Donbas hövzəsində hərbi hərəkətlərin aktivləşməsində maraqlı olan “çoxlu əclaf” var: “Onlar istəyirlər ki, Rusiya Ukraynanı bombalamağa başlasın. Nə milyonlarla insanın həlak olması, nə də Ukrayna torpaqlarının birləşməsi onları maraqlandırmır. İndi əsas məsələ III Dünya Müharibəsinin qarşısını almaqdır”.
General Martirosyan daha əvvəl bildirib ki, Rusiya ilə dövlət sərhədinin möhkəmləndirilməsinə pullar xərcləmək tamamilə mənasızdır.