Putin müharibənin başlama səbəbini açıqladı: Obama mənə zəng edib dedi ki...
17 İyun 2022 21:22
“Rusiya 2014-cü ildə Ukraynada Krım və Donbas hadisələri ilə birlikdə indiki hadisələri alovlandıran “qanlı” dövlət çevrilişini “həmişə” xatırlayacaq”.
XEBERTV.AZ xəbər verir ki, bunu Rusiya Prezidenti Vladimir Putin Sankt-Peterburq Beynəlxalq İqtisadi Forumunun (SPIEF) plenar iclasında bildirib.
Rusiya lideri 2014-cü ildə Ukraynada dövlət çevrilişinin niyə lazım olduğundan danışıb. Onun sözlərinə görə, hər şey Ukraynanın o vaxtkı prezidenti Viktor Yanukoviçlə ölkə müxalifəti arasında razılaşmaların təminatçısı kimi çıxış etməli olan Almaniya, Fransa və Polşa xarici işlər nazirlərinin gəlişi ilə başlayıb.
“ABŞ Prezidenti Barak Obama mənə zəng etdi: “Gəlin orada hər şeyi sakitləşdirək”. Bir gün sonra isə onlar dövlət çevrilişi etdilər”, - deyə Putin həmin dövrün hadisələrini xatırladıb.
Rusiya Prezidenti qeyd edib ki, müxalifət qüvvələri demokratik yolla - seçki yolu ilə hakimiyyətə gələ bilərdilər, əksinə onlar “qanlı” çevriliş yolu ilə seçiliblər: “İndi deyirlər: bunu xatırlamayaq. Yox. Biz bunu hər zaman xatırlayacağıq, çünki səbəb budur. Onlar sülh prosesinin təminatçılarını normal siyasi prosesi qaytarmalı olduqları halda, əksinə, bu çevrilişi dəstəklədilər. Kiyev hakimiyyəti Minsk razılaşmalarını yerinə yetirməkdən imtina etdi - bu da kiminsə üçün normal oldu. Və bunu indiki vəziyyətə gətirdilər, buna görə hər şey baş verdi”.
Publika.az
