Xəbər lenti
Axtar
16 Mrt 2018, 05:17   
    195
Azərbaycan əhalisinin sayı açıqlandı

Bu ilin fevral ayının 1-i vəziyyətinə ölkə əhalisinin sayı 9 milyon 904 min 850 nəfərə çataraq ilin əvvəlindən 6765 nəfər artıb.

Bu barədə Dövlət Statistika Komitəsindən məlumat verilib.

Rəsmi məlumatda bildirlir ki, 1 fevral 2018-ci il tarixinə hər kvadrat kilometrə düşən əhalinin sayı 114 nəfər təşkil edir.

Əhalinin 52,9 faizi şəhər, 47,1 faizi kənd sakinləridir, 49,9 faizini kişilər, 50,1 faizini isə qadınlar təşkil edir. Hazırda hər 1000 kişiyə 1004 qadın düşür.


Bu ilin yanvar ayı ərzində Ədliyyə Nazirliyinin rayon (şəhər) qeydiyyat şöbələri tərəfindən 11938 doğulan körpə qeydə alınıb və əhalinin hər 1000 nəfərinə bu göstərici 14,4 təşkil edib.

Həmin dövrdə doğulan körpələrin 52,9 faizi oğlan, 47,1 faizi isə qız uşaqlarından ibarət olub. Körpələrdən 200-ü əkiz, 18-i üçəm doğulanlardır.

Bundan başqa, bu ilin yanvar ayında ölkədə 5284 ölüm halı qeydə alınıb və əhalinin hər 1000 nəfərinə ölüm səviyyəsi 6,4 təşkil edib.

Cari ilin birinci ayı ərzində qeydiyyat şöbələri tərəfindən 4329 nikah və 1230 boşanma halları qeydə alınıb və əhalinin hər 1000 nəfərinə nikahların sayı 5,2, boşanmaların sayı isə 1,5 olub.

Bu ilin yanvar ayında Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün 210 nəfər Azərbaycana gələn, 99 nəfər isə Azərbaycandan gedən qeydə alınaraq, miqrasiya saldosu müsbət 111 nəfər təşkil edib.

bizimyol.info
loading...